بسبوسة السينابون Basbousa Cinnabon

بسبوسة السينابون Basbousa Cinnabon

بسبوسة السينابون Basbousa Cinnabon
الوصفة من مطبخ الشيف المبدعة fto4479 تسلم الايادي الطيبة

اول شي نسوي خليط القرفة وهو عباده عن
٢ م ك زبده
٣ م ك سكر بني
م ك ونص قرفه مطحونه حركيهم على النار لما تذوب الزبده بس والسكر وطفيه وخليه على جنب يصير خليط سايل ثقيل
خليط البسبوسة عبارة عن:
بيضتين
نص كوب سكر بني *اذ ما عندك حطي ابيض*
م ك فانيلا سايله او بودره
اخلطيهم واضيفي عليهم بالتدريج
نص كوب زيت
علبة زبادي او علبة قشطة
اخلطيهم واضيفي لهم
٢ كوب سميد
٢ م ك ممسوحات باكينج بودر
اخلطيهم ولا تبالغين بس شوي
وحطي الخليط بصنية مدهونه طحنية او زيت وعلى الوجه وزعي خليط القرفه بملعقة او كيس اللي يريحك
ودخليه الفرن مسبق التشغيل من تحت ٢٠ دقيقة ومن فوق ٥ دقايق
واول ما تطلع من الفرن سقيها (بحليب مبخر وادي فاطمة وفنجال سكر ذوبيهم على النار وصبيهم على البسبوسة)
اخر خطوة :
٧ حبات جبن مثلث
نص علبة حليب مكثف محلى
وصبيهم على البسبوسة ودخليهم الفرن ٣ دقايق من فوق بس لما تتماسك مانبيها تتحمر
وخططيها بجالكسي وورشي مكسرات انا حطيت لوز مجروش وبالعافية 💗💗💗