باوند كيك آيسكريم السنيكرز Pound Cake Ice Cream Sneakers

باوند كيك آيسكريم السنيكرز Pound Cake Ice Cream Sneakers

باوند كيك آيسكريم السنيكرز Pound Cake Ice Cream Sneakers
الوصفة من مطبخ الشيف المبدعة nouf_cook1982  تسلم الايادي الطيبة

أول خطوة راح نحتاج خليط كيك شكولاتة الجاهز راح نسويه بالطريقة المكتوبة ونضيف عليه أربع ملاعق دقيق أنا وزعته بصينيتين تبع الباوند كيك ودخلتها الفرن لغاية ما استوت من تحت ومن فوق ونتركها تبرد وبعد كيذا نفرغها من داخل مثل الصورة👆🏻 ونحتفظ بالكيك لأن راح نرجع نغطي الكيك فيه..
الخطوة الثانية راح نسوي خليط آيسكريم السنيكرز عبارة عن (ظرفين دريم ويب،كوب كريمة خفق،علبة قشطة نذوب فيها ثلاث حبات سنيكرز حجم كبير بالمايكرويف )كل هالمقادير نخفقهم بخلاط الكيك وبعد مايصير قوامهم كريمي نضيف عليهم سنيكرز مقطع قطع صغيرة احتجت اثنين ونخلط بالملعقة ونبدأ نضيف الآيسكريم بوسط الكيكة ونرجع نغطيها بالكيك اللي شلناه منها مثل الصور👆🏻وندخلها الفريزر مدة ماتقل عن ست ساعات أو ليلة كاملة أنا أسويها قبل بليلة مماراح تثلج لاتخافوون،إذا بقى خليط آيسكريم تقدرون تحطونه بأكواب وتستخدمونه للزينة أو حتى تآكلونه لذيذ..
للزينة راح نحتاج (علبة قشطة،حبتين سنيكرز)نذوبهم بالمايكرويف أو بحمام مائي ونزين فيهم الكيكة بعد مانقلبها بصحن التقديم وفوقها خطوط من التوفي وقطع صغيرة من السنيكرز وتلذذوا بأحلى باوند كيك آيسكريم سنيكرز بالحياة🥰