بطاطا على ادامها Potatoes

بطاطا على ادامها Potatoes

بطاطا على ادامها Potatoes
الوصفة من مطبخ الشيف المبدعة  samaraaa_kitchen تسلم الايادي الطيبة

بطاطا مقشرة و مقطعة مكعبات كبيرة او شكل قمر مقلية او مشوية( انا عملتها بالقلاية الهوائية)
رز مصري منقوع
شعيرية
ماجي بودرة و ممكن مكعبات ( ياللي لاحظته بودرة مع مرقة دجاج بتعطي ثقل و طعم ازكى)
دجاج مقطع و مغسول حسب عدد افراد الأسرة
نحتاج هيل حب و قرفة عيدان و ورق غار لسلق ملح فلفل اسود قرفة مطحونة ماجي ثوم مهروس زيت
قدحة: ثوم مهروس ، كزبرة مفرومة، سمنة
الطريقة: بنجهز بطاطا و بنحطها على جنب بطنجرة
الدجاج: بنحط زيت و بهارات الصحيحة و بعدها بنحط دجاج و بنقلب من جهتين و بنضيف ثوم حسب الكمية ياللي بتفضلوها ( انا بحب اكثر ثوم)
و بنقلب مكونات مع بعضهم بعدها بنضيف ملح ، فلفل اسود، قرفة، مغلف ماجي او مكعب ماجي و بنقلب لدجاج ياخد طعم البهار و الثوم و بعدها بنضيف ماء و بنشوف اذا مرقة بتحتاج زيادة شي من بهارات.. و بنتركها ليستوي دجاج
بس يستوي دجاج :
بنحمر دجاج بالفرن : ممكن بزبدية نضيف لبن و ثوم و كزبرة و زيت زيتون و ملح و فلفل اسود و ندهن دجاج و نشويه او ممكن نضيف كاتشاب او معجون بندورة مع خردل و ثوم و كزبرة و ملح و فلفل اسود و زيت زيتون او بس تضيفو ملح وفلفل اسود و قرفة و زيت و على شوي
بطاطا بنضيف عليها من مرقة دجاج و بنتركها تغلي انا ضفت نص ظرف ماجي او ممكن بس ملح و فلفل اسود و بنضيف ١/٢ م ص مهروس ثوم و بنتركها تغلي بس تغلي بنكون جهزنا قدحة بنسخن سمنة و بنضيف ثوم و بس يشقر بنضيف كزبرة و بعدها بنظشها على البطاطا مع عصرة ليمون بتتطلع طيبة كتير
ارز: بنحط سمنة او زيت و شعيرية و بس تشقر بنضيف رز و بنقلب شوي و بعدها مرقة دجاج و شوفوا لو بتحتاج ملح او فلفل اسود و بالعافية