طريقة تحضير صفايح مشكلة Pies

طريقة تحضير صفايح مشكلة Pies 

طريقة تحضير صفايح مشكلة Pies 
الوصفة من مطبخ الشيف المبدعة   nouf_cook1982 تسلم الايادي الطيبة

العجينة المعتمدة عندي (بالخلاط علبة زبادي170 غرام ،وكاس ماي دافي قابل للزيادة،ونص كاس زيت ،وفنجان سكر ،وأربع ملاعق حليب بودرة،وملعقة كبيرةخميرةفورية) نخلطهم تماام بالخلاط ونضيفهم على أربع كاسات دقيق مخلوط معاه ملعقة كبيرة بيكنج بودر ..ونعجن تمااام واذا احتجتي ماي زيدي شوي وبعد العجن نطبطب عليها بزيت ونغطيها ونتركها ترتاح وتتخمر بعدها نبدأ نشتغل فيها راح نفرد العجينة على سطح مرشوش بالدقيق ونقطعها دوائر حجم الصفايح وسط ونصفها بصينية الفرن ونخرمها بالشوكة ونبدأ نحط عليها الحشوات المرغوبة
‏‎حشواتي كانت:
🧀الحشوة الأولى:جبن حلوم مبشور ،جبن فيتا،جبن تشيدر،بقدونس مفروم نخلطهم تمام ونضيفهم ع الصفايح مع رشة حبة سوداء..
.
🍕الحشوة الثانية:صوص بيتزا جاهز ،فلفل أخضر بارد،شرايح زيتون،جبن موزاريلا أو تشيدر..

🌮الحشوة الثالثة:زعتر،زيت زيتون،دبس رمان..
.
أخيراً ندخلهم الفرن من أسفل حتى تستوي وبعدها من أعلى ولما نطلعهم على طووول نغطيهم لوقت التقديم وصحتين وعوافي،طبعاً ماتكلفت بالحشوات سويتها بسيطة وبنفس الوقت لذيذة وسريعة ولكم الحرية أنكم تبدعون بالحشوات ياجميلات حسب رغبتكم وسلامتكم وتعيشون❤️