خبر صاعق يعلنه إعلامي تونسي بقناة الجزيرة إلى كل التونسيين !!

كتب الإعلامي بقناة الجزيرة لطفي المسعودي - ***"الحالة متعبة" ، نيقاتيف!***
ما عاد حتّى شيء يضحّكني ، و لا حتّى شيء يخلّي مشاعري محايدة! كلّ شيء في تونس يبكّي! الوباء عندو توّة أكثر من عام وتحسّ البلاد تتعامل معاه بلا خطّة ولا تكتيك! كلّ شيء بالبدعة! "مباركة نيقاتيف!"و حتّى حال البلاد كيف كيف! ما فمّاش حماية للمعطيات الشخصيّة ، بوق وبرّاح تقولش في رموّ! تونس تشلّكت ومشات ولعبت بيها اللّوبيّات. حجر صحّي بأربعة أيّام ! ليلة والمزود خدّام اركز يا زينة لقدام! مدّة حضانة الفيروس أصلا أدناها أربعة أيّام!
اللّقاح فاش قام ناخذوه كي جيراننا مدعوم من منظّمة الصحّة العالميّة وتجّار الهموم والسّموم فاش باش يتاجروا ؟ وكان ما يعملوش تفتوفة باهية من ميسرة الكوفيد باش يعملوها من مقروض العيد؟؟؟ ملّي صارت الثّورة وهوما يلعبوا في لعبتهم القذرة في بلاتوات التّفاهة والتّرذيل ، باش يخلقوا قطيع من البهاليل! هانا توة قاعدين نشوفوا في باكورتهم. عوّموا الفهم العام ، رنّخوا الشعب في التّفاهة والقاذورات حتّى أصبح كلّ شيء عندو عادي حتّى كي يولّي تكركيرة عادي! حتّى كي يسبّل وذيناتو كالبوجادي! ويني فلوس تليتون الكوفيد؟ ما تسأل على شيء خلّيك راكش في وسط القطيع! صمتا أنتم إزاء وطن يضيع!!!!