كيكة الأناناس Pineapple Cake

كيكة الأناناس Pineapple Cake

كيكة الأناناس Pineapple Cake
الوصفة من مطبخ الشيف المبدعة nadinrazouk تسلم الايادي الطيبة

المكونات والطريقة
المكونات لقالب صغير انا استخدمت قالب تشيز كيك الوسط
للكراميل نصف كوب سكر ع نار حتى يتكرمل بعدا منفضي بالقالب وبسرعه مندهن فيها كل ارضيه القالب وممكن نكرمل السكر بالقالب نفسو
علبه اناناس منشف الأناناس منيح من المي ومنصفو فوق الكراميل بالشكل يلي بدنا ياه ومنترك القالب ع جنب ومنحضر خليط الكيك
مكونات الكيك
بيض عدد 2
ملعقة كبيرة فانيلا
نصف كوب سكر
تلت كوب زيت نباتي
نصف كوب حليب
نصف كوب عصير اناناس (المي نفسها يلي بعلبه الاناناس)
ملعقة كبيرة حليب مكثف محلى (اختياري)
كوب ونصف طحين منخول مرتين
ملعقة كبيرة بيكينغ باودر
نصف ملعقة صغيرة بيكربونات الصوديوم
منخفق البيض منيح مع الفانيلا ومنضيف السكر بالتدريج مع الخفق ليصير المزيج كريمي منضيف نصف كوب الحليب بالتدريج مع الخفق وبعدا الزيت وعصير الاناناس منخفق منيح
ومنبلش نضيف الطحين وباقي نواشف بالتدريج
منصب الكيك بالصينيه فوف الاناناس ومندخلو ع فرن محمى مسبقا ع درجه حرارة 160 لمدة الرف الوسط تقريبا اخد معي تلت ارباع ساعه ما منطلعو الفرن لحتى نختبر الاستواء بعود الخشب
منكون مجهزين بشكير مبلول منحط القالب عليه حتى يفتر او يبرد
ومنقلبو وبس يبرد تماما مندخلو البراد طعمتو اطيب هو وبارد
وألف صحة ❤