ماربل كيك Marble Cake

ماربل كيك Marble Cake

ماربل كيك Marble Cake
الوصفة من مطبخ الشيف المبدعة nadinrazouk تسلم الايادي الطيبة

الطريقة مع المكونات
بيض عدد 5 بحرارة الغرفه
ملعقة صغيرة خل
ملعقة صغيرة فانيلا
2 ملعقة صغيرة برش ليمون
وبنخفق لمدة 3 دقايق
بعدا منضيف كوب ونصف سكر عادي بالتدريج ومنخفق كمان لمده 3 دقايق
كوب زيت منضيفو ع دفعات مع الخفق كمان لمدة 3 دقايق
منضيف كوب حليب سائل منخفق دقيقه
منضيف 3 كوب طحين منخول مرتين على دفعات مع 3 معالق صغيرة بيكينغ بودر ليدوب الطحين تماما
ع جنب منحط ع نار ملعقتين حليب سائل مع ملعقة صغيره بيكربونات الصوديوم ع نار ثواني بس لتفور الكربونه ومنضيفون للكيك ومنخفق
مناخد ربع كميه الخليط منضيف عليهون ملعقتين كبار كاكاو
بقالب الكيك المبطن انا دهنتو ب طحينه منحط اول شي نص كميه الخليط الابيض وبعدا منضيف الكاكاو وبعدا باقي الخليط الابيض
وع فرن محمى مسبقا ع درجه حرارة 180 من تحت ع رف الوسط لمدة 45 دقيقة اكتر شوي اقل شوي حسب فرنك منختبر الاستواء بالعود الخشب
زينتو بشوكولا خام دوبتا بحمام مائي وخففتها بزيت جوز الهند