سويسرول كيك Swissroll Cake

سويسرول كيك Swissroll Cake

سويسرول كيك Swissroll Cake
الوصفة من مطبخ الشيف المبدعة ymiii2  تسلم الايادي الطيبة


الطريقه ...
5 بيضات بحرارة الغرفه ..كاس طحين ..تلات ارباع الكاس سكر بودره ..معلقه صغيره فانيلا ..معلقه صغيره خل . ربع معلقه صغيره بيكنغ باودر (اختياري)
بنفصل البياض عن صفار ..بنخفق الصفار كتير منيح وبنزل نص كاس سكر وبنخفق حتى يصير كريمه ..بنحط فانيلا وخل ..وبنزل نص كاس طحين منخول معلقه معلقه وبنقلب تقليب مع الصفار ..بنخفق بياض البيض كتير منيح بس ماتخلو يتقل ..وبنزل السكر ..وبنخفق .. وبنقلب بقية الطحين مع بياض البيض والصفار .. بنحضر صنيه مقاس 22 في 40 .. وبنفرشها بورق الزبده ..وبنزل الخليط وبنفردو بالصنيه ..وبندخلها الفرن حامي على 180 درجة
بتاخد 10 دقائق بالزبط .. بنطلعها وبنقلبها على ورق زبده بنرش عليه سكر بودره(اختياري) حتى يضل طري سويسرول .. وبنلفها وهي سخنه وبنرجع بنلفها بقطعة قماش .ربع ساعه وبنفردها بنشربها قطر خفيف او عصير اناناس وبندهن الكريمه وبنلفها بندخلها تلاجه حتى تجمد الكريمه ساعتين
..وبنطلعها وبندهنا بكريمة الزبده وبندخلها تلاجه حتى تنشف ..وبنطلعها وبنزينها بكيس الحلواني بقمع الورده ..والف صحه وهنا

طريقة لكريمة ..
6 بياض البيض..180غ ...بنحطهم بصحن غميق ..وبنحطهم بحمام مائي سخن (اهمى شي المي ماتلمس الصحن) بنحط عليهم كاس ونص سكر تقريبا 300غ ... بنذوب السكر منيح مع بياض البيض فوق حمام المائي .. ولازم تتاكدو انو السكر ذاب .. اهم خطوه .. بنحط سويت مارنخ(البياض البيض) بصحن غميق وبنخفق كتير منيح حتى يصير البياض متل الكريمه ..بنزل عليه 2 كاس سكر بودره ..وبنخفق ..وبنزل زبده بحرارة الغرفه 2 كوب زبده ..454غ ...وبنستمر بالخفق ..وثلاث ارباع دهن نباتي 170غ ..وبنخفق كتير منيح .. ممكن تزينو فيها الكيك وتكون غلاف للكيكه .. والف صحه وهنا