مجبوس لحم Meat Majbous

مجبوس لحم Meat Majbous

مجبوس لحم Meat Majbous
الوصفة من مطبخ الشيف المبدعة njat80  تسلم الايادي الطيبة

تفرمين كل الخضار وتخلطينهم بماعون واحد
جزره مبشوره+ فلفله بارده+ فلفله حاره+ بصلتين كبار مفرومين + ثوم وزنجبيل مهروسين+ كزبر فرش نص شدة + طماطه صغيره + ملعقه صغيره كركم + هيل حب + دارسين عواده + لومي حبتين + ورق غار + ملح خلطيهم مع بعض وخليهم على جنب
♡
♡
سخني جدرج وحمري اللحم بدون زيت - تالي حطي كل الخلطه السابقه ♡
ضيفي ماي حار وخلي اللحم لين يستوي حسب نوع اللحم اللي عندج
♡
انا استخدم جدر الضغط ساعه الا ربع واللحم ممتاز ♡
عقب شيلي اللحم تقلينه او تحمرينه بالفرن مع رشة هيل ورشة دارسين ناعم
♡
صفي مروق اللحم وجبسي العيش فيه
لازم عيش بسمتي منقوع طبعا مسبقا
اذا نشف العيش رشي شوية هيل بودر عليه ♡
الحشو
بصلتين مقطعين حجم وسط حمريهم بدون زيت فقط نحتاج ماي كل بين وقت ووقت لين يتكرمل البصل شوي تالي حطي زيت شوية وتكونين سالقه نخي حشو حطيه معاه + كمشه من الزبيب حمسيهم على نار هاديه - ملح وفلفل اسود - دارسين ولومي - ورشة هيل
♡
قدمته مع سلطه مفرومه
بصله صغيره + كزبر فرش + طماطه صغيره + فلفل بارد -عصير ليمون وزيت زيتون ونعناع ناشف وملح وسماق