برياني الروبيان Shrimp Biryani

برياني الروبيان Shrimp Biryani

برياني الروبيان Shrimp Biryani
الوصفة من مطبخ الشيف المبدعة  asya122  تسلم الايادي الطيبة


تحمسين في جدر حبتين بصل شرائح في زيت نباتي ليما يصير لونه ذهبي، تضيفين عليه زنجبيل مفروم وفلفل حار وتحمسين، عقب تضيفين كيلو روبيان مقشر ومنظف، وإذا حبيتي بطاط مكعبات، وتحمسين ليما يتغير لون الروبيان وينشف الماء تبعه، تضيفين حبتين طماط مقطع صغار، وبقدونس وكزبرة مفروم، وإذا تحبين تضيفين معجون طماط احنا ما نحط، وتحمسين ليما يذوب الطماط، عقب تضيفين البهارات: ملعقة طعام بهارات بحرينية مخلوطة، ملعقة طعام ليمون أسود مطحون، ونص ملعقة صغيرة من كل من: كركم، فلفل أسود مطحون، دارسين مطحون، وملح حسب الرغبة. تحمسين جميع المكونات مع بعض ، عقب تخلينه على نار هادئة.
.
.
تسلقين العيش ثلاثة أرباع استواء مع ملح وحبات ليمون أسود، وورق غار، وفلفل أسود صحيح وهيل صحيح وعود دارسين، وتصفينه من الماء.
.
.
الحين في الجدر إللي سلقتين فيه العيش تسوين طبقات من العيش وحمسة الروبيان، يعني تحطين في قاع الجدر شوية من العيش، وتحطين فوقه جزء من حمسة الروبيان، وتحطين فوقها طبقة من العيش، وطبقة من الروبيان، والجزء الباقي من العيش تخلطينه بزعفران، وتحطينه كطبقة أخيرة، وتحطين على الوجه شوية بقدونس وكزبرة مفروم، وتغطين الجدر عدل، وتخلينه على نار هادئة ليما ينشف تقريبا عشر دقائق، وبالعافية💛