دجاج محشي بالفريك Chicken stuffed

دجاج محشي بالفريك Chicken stuffed

دجاج محشي بالفريك Chicken stuffed
الوصفة من مطبخ الشيف المبدعة   ommoayed01 تسلم الايادي الطيبة

اول شي نحضر الفريك نغسله وننقعه في المويه على مانجهز البصل ... نقطع بصل ونضع عليه شوي زيت زيتون ونقلب لين يذبل ونضيف فص ثوم مهروس ونقلب لين تطلع ريحته ونضع الفريك بعد مانصيفه من المويه ونقلب بعدين نضع البهارات ( كمون *كزبره*فلفل اسود *اكليل الجبل *ملح )ونقلبها مع بعض بعدين نضيف المويه اللي يغطي الفريك ونغطي عليه على نار هادئه لين تنشف مويته ...
الحين نجي للدجاج :
نغسله ونضيف له خل وليمون عشان تروح زنخة الدجاج ومانكثر من الخل عشان لا يخف الجلد ويتقطع نبهره باي نوع بهارات اللي متوفر وتحبون نكهته بعدين نحشي بالفريك في بطن الدجاج وبين الجلد واللحم ونراعي مانكثر بين الجلد واللحم عشان ماينفقع الجلد وتطلع الحشوه نخيط الدجاج من تحت ومن فوق بالخيط او بأعواد الاسنان وندهنا بصفار الزعفران على حسب الرغبه بعدين نرش عليها الدقيق من كل مكان بعدين نضعه في صينيه ونرش عليه زيت زيتون وندخلها الفرن 
الشبك في النص والنار وسط عشان يستوي من جوا وبالعافيه ...