صاحبة مغازة الحمامات تردّ : شكينا بطارق بعلوش لدى وكيل الجمهورية و كل شيء موثّق بالكاميرا !

في إطار حق الرد ، تدخلت صاحبة المغازة التي نشرت فيديو طارق بعلوش في برنامج شمس الليل وهذه أبرز تصريحاتها:

🔸️ المسمى طارق بعلوش دخل نهار السبت للمغازة مع 00 h02 وفي الكاسة مد عشرين دينار وقال أعطيني زوز باكوات دخان 

🔸️كل شي موثق حسب الكاميرا حط عشرين دينار على الكاسة وبعد دخل الداخل خذا كعبة مقروض وزوز طوابع جبن واحد كلاه ورما الكاغط في القاعة ورجع للكاسة ورا للراجل الدخان وطابع جبن ولكعبة لخرى والمقروض ماجبدهمش جملة 

🔸️ عطانا عشرين دينار ورجعنالو 4500 وواضحة في الكاميرا 

🔸️بعد دقيقتين ملي خرج رجعلنا باش يشري بريكية ومد 500 قلنالو راهي ب700 قال لحظة نجيب الفلوس من الكرهبة ياخي خدم الكرهبة ومشى 

🔸️وقت إلي فصع بال200 مليم متاع البريكية وقتها وين فقنا وفما حريف شافو كيف كلا كعبة الجبن وقالنا خفت من ردة الفعل متاعكم وفما شاهد آخر شافو كيف كلا كعبة المقروض 

🔸️هبطنا الفيديو موش لغاية التشهير أما ردة فعل وقهر وغل وهبطنا على الكونط الشخصي موش في باجات 

🔸️أحنا كنا ناوين باش نشكيو أما وقتها نهار أحد وكل شي مسكر ولازم فما معاينة وعدل منفذ وفما شكاية لوكيل الجمهورية وهذا لكل عملناه نهار الاثنين 

🔸️ طلبت حق الرد من إذاعة أخرى ورفضو