الإعلامية عربية حمادي تنشر تفاصيل زيارة عائلة سليم شيبوب لمنزلها والحوار الذي حدث

نشرت الإعلامية عربية حمادي خبر استقبالها لممثلين من عائلة شيبوب لطلب الاعتذار…. قبل ان تختم ب “طبق القانون”.. حيث كتبت:

“#قالو:
عيب عليك شهر فضيل 😔
_عرضي و عرض عايلتي ماهتكتهمش في شهر فضيل 🤔
كان عينك راكي سكّرتي الباب من أوّل كلمة😔
علاش نسكّر في باب مش أنا إلّي حلّيتو و ممكن يتحلّ مرّة أخرى في وجه

غيري🤔
سبّيتي جمهور الترجّي😔
كيفاش نسبّو وأنا و بنتي منّو
انا قلت إلّي معتبرين الترجي مربوطة بإسم و سبّني على خاطرو ما تسنفزّنيش لا نهبّط إلّي يحشّمكم قدّام الجار
يحشّمك إنت و إلّي تدافع عليه لأنّكم مش الترجّي و الترجّي أكبر منكم👌
فضحتي روحك و نشرتي الموضوع على قارعة الطّريق 😔
سمعوني تكلّمت في إذاعة أو تلفزة🤔

حبّبتي تبتزّيه😔
علاش مشيت للقضاء🤔
راجلك إستدرجو 😔
علاش شكونو هو وزير رئيس حزب مترشحّ لمنصب سيدي تاتا إلى يجي يستدرجو🤔
تلوّجي على البوز😔
علاش رفضت عرض الخدمة و راضية و فرحانة بنشاطي في الفايسبوك🤔
فقر و مشاكل و كورونا وإنت تلهّي في الرّأي العامُ😔
انا بعد الي عملتو الكل تقولولي هذا لأنّي تكلّمت على مصيبة هبطت على راسي و ممكن تهبط على رأس غيري🤔

و غيرو من الكلام إلّي نقرأ فيه أنواع و أشكال😊
مش مشكلة يمين البكّوش في صدرو و العبرة بالخواتيم😊

لكرش صبّاغة دبّاغة و تجيب الرّاجل والذّكر شكرا للممثّلين عن عايلة شيبوب إلّي زارونا اليوم في دارنا لطلب الإعتذار و الإعتذار ما يقدرو عليه كان الكبار و إحنا ما نسكّروش بابنا في وجه #الرّجال إلّي تقول #عندكم_حقّ
و شكرا لجماعة القراءات و المؤامرات و التكمبيصات و العلاقات الدّوليّة و الموساد 😁

و لبعض الأساتذة المحاميين و المحاميات و أدمينات الصّفحات و السّادة و السّيدات
أنا #خرشف و إنت #ذكر أنا #عزوزة و إنت #شيء😁

#طبّق_القانون
#عربيّة”.