بتر تشيكن من المطبخ الهندي Butter Chicken

بتر تشيكن من المطبخ الهندي Butter Chicken

بتر تشيكن من المطبخ الهندي Butter Chicken
الوصفة من مطبخ الشيف المبدعة nadinrazouk تسلم الايادي الطيبة

اول شي يلي ماعندا بهارات غارام ماسلا جاهزه رح علمكون كيف تعملوها ع ايدكون
كميه متساوين من بهارات البودرة
هيل ، كمون ، كزبرة ، قرفه ، كبش قرنفل ، مبشور جوزه الطيب، فلفل اسود ، يانسون نجمي
بتجهزو الكميه يلي بدكون ياها وبقطرميز وبتحفظوها بوقت الاستعمال
طريقه البتر تشيكن او دجاج بالزبده
اول شي منجيب صدر جاج منضفو ومنقطعو مكعبات ومنتبلو قبل بربع ساعه ب ملح وبابريكا (فليفله حمرا بودرة )
1 معلقه صغيرة توم مدقوق ناعم و 1 معلقه صغيرة زنجبيل اخضر مطحون يلي مو متواجد عندها زنجبيل اخضر فيها تستخدم بودره
بعد ماتبلناهون وتركناهون ربع ساعه منحط شويه زيت ع نار ومنقلي الصدر حتى يتستوي ويجهز منشيلو من مقلى ع جنب ومنحضر الصلصه
بنفس المقلايه يلي قلينا فيها جاج منرجع منضيف شويه زيت وبصله كبيرة
مقطعه مكعبات وسط او ناعم مابيفرق ومعلقه زبده منهوس البصل ومنضيف عليها 5 بندورات كبار مقطعه ارباع بدون قشر وكمشه كاجو منقليهون سوا دقيقتين وبعدا منضيف نص كاسه مي وملح ومعلقه كبيرة غارام ماسلا وبابريكا نص معلقه صغيره ع الاقل ومعلقه صغيرة توم مدقوق ونص ملعقة صغيره سكر
ومنخليون يغلو سوا ربع ساعه لتدوب البندورة تقريبا
منشيلون من نار ع خلاط ومنخلطون منيح ليصير صوص
ومنصفيه بمصفايه لحتى نتخلص من كل بذور البندورة ونحصل ع صوص ناعم منرجعو ع نار ومنضيف 2 ملعقة كبيرة زبده وفنجان كريمه طبخ (يلي ماعندا ضيف كاسه حليب مع معلقه طحين)
ومنضيف الجاج ومنخليهون يغلو سوا 5 دقايق
وقت تقديم منحط ع الوش كريمه ورشيت زعتر بري
جنبها رز ابيض مع هيل وكبش قرنفل