ساندوش كودو Kudu Sandwich

ساندوش كودو Kudu Sandwich

ساندوش كودو Kudu Sandwich
الوصفة من مطبخ الشيف المبدعة ymiii2  تسلم الايادي الطيبة

بنقطع بصلتين كبار ريش ..وبنحوسهم مع زيت .. بنقطع صدور دجاج ..عدد 3 .. الي مكعبات صغيره ... وبنقلبهم مع البصل .. بنحط ملح ..وصويا صوص ..بهار زنجبيل ..بابريكا حمرا .. لمى يقرب يستوي بنحط فلفل اخضر رومي مقطع ..وفطر ..وممكن بصل اخضر .. وقبل مانطفي الغاز ..بنحط مايونيز ..معلقتين كبار .. معلقة كبيره جبنه سائله ..معلقة كبيره خردل .. وبنقلبهم منيح .. بنحشي الساندوش بالخلطه .. مع بندورة مقطعه مكعبات .. وخس .. والف صحه وهنا

خبز الفينو .. بصحن غميق ..بنحط معلقة خميره كبيره ..معلقتين سكر كبار ..4 ملاعق حليب بودره كبار .كاس طحين.كاستين مي دافيه ..بنتركهم يتخمرو عشر دقائق ... بنحط فوقيهم 3 كاساات طحين...
ربع كاس زبده سائله .معلقه كبيره بيكنغ باودر . رشة ملح وبنعجنهم حتى تتشكل عجينه طريه مابتلزق ...بنتركها ترتاح ساعه .. بنقسمها كرات ..وبنرق كل كره ونلفها رول .. وبنسكرها منيح حتى ماتفتح على الشوي .وبنخلي مسافه بين كل قطعه..وبنتركها تتخمر بالصنيه ساعه .. بندهن الوجه بالمي ونرش سمسم حسب الرغبه .. وبندخلها الفرن ..على 200 درجة الحراة ..الرف الوسط ..بتاخد من ربع ساعه لتلت ساعه حسب فرنك

الصلصات ... صلصة الخردل .. معلقتين لبن ..معلقتين مايونيز ..معلقة خردل كبيره ...
صلصه حاره .. معلقتين لين ..معلقتين مايونيز ..معلقة كبيره فلفل حار مطحون .. صلصة مايونيز وكاتشب ... بنقدر نقدمهم جنب كل الساندوشات