كيكة تمر بالتوفي Dates cake with toffee

كيكة تمر بالتوفي Dates cake with toffee

كيكة تمر بالتوفي Dates cake with toffee
الوصفة من مطبخ الشيف المبدعة ymiii2  تسلم الايادي الطيبة

الطريقه ... كاس تمر مقطع ناعم او تمر معجون بننقعو بمي سخنه مع ملعقه صغيره كربونه وبنحطو على جنب... بصحن غميق بنحط 5 بيضات بحرارة الغرفه معلقه صغير فانيلا ..معلقة صغيره خل ...معلقه صغيره برش ليمون وبنحفق لمدة 3 دقائق ... بنزل كاس ونص سكر ونستمر بالخفق 3
دقائق ... كاس زيت بنزلها دفعات ..بنخفقها مدة 3 دقائق ..نص كاس حليب سائل ..نص كاس جوز عين الجمل مفروم ناعم... بنزل الطحين على دفعات 3 كاسات طحين منخولين مرتين مع 3 ملاعق صغار بيكنغ باودر ..مع 3 ملاعق قرفه كبار او معلقتين حسب رغبه .رشة ملح .. واخر شي بنحط كاس تمر مع المي وبنخفق ..بنصب الخليط في قالب كيك مبطن ..وعلى الفرن الرف الوسط ساعه الا ربع اكتر شوي اقل شوي حسب فرنك .. درجة الحراره 180 ... ماتنسو تختبرو الاستواء بنطلع الكيكه وبنزينها بالتوفي ... والف صحه وهنا

توفي ...
بطنجره غميقه .. كاس ونص سكر ..كاس الا ربع حليب سائل... 100 غ زبده ... معلقه صغيره كربونه .. معلقتين عسل
كبار ... معلقة فانيلا صغيره
بنحط كل المكونات مع بعض ماعاد الكربونه .. لمى يبلش يغلى بنحط معلقة الكربونه وبنحرك سريع وبنوطي الغاز وبنخلي حتى ياخد الون الي بدكم ايا من 5 دقائق ل 8 دقائق ...
لمى يبرد بنحطو مرطبان وبنسكر عليه وبندخلو تلاجه .. صحتين وهنا