جاتوه كريمة زبدة سويسرية Swiss butter cream cake

جاتوه كريمة زبدة سويسرية Swiss butter cream cake

جاتوه كريمة زبدة سويسرية Swiss butter cream cake
الوصفة من مطبخ الشيف المبدعة ymiii2  تسلم الايادي الطيبة

الطريقه ..
5 بيضات بحرارة الغرفه ..كاس طحين ..تلات ارباع الكاس سكر بودره ..معلقه صغيره فانيلا ..معلقه صغيره خل . ربع معلقه صغيره بيكنغ باودر (اختياري)
بنفصل البياض عن صفار ..بنخفق الصفار كتير منيح وبنزل نص كاس سكر وبنخفق حتى يصير كريمه ..بنحط فانيلا وخل ..وبنزل نص كاس طحين منخول معلقه معلقه وبنقلب تقليب مع الصفار ..بنخفق بياض البيض كتير منيح بس ماتخلو يتقل ..وبنزل السكر ..وبنخفق .. وبنقلب بقية الطحين مع بياض البيض والصفار .. بنحضر صنيه مقاس 22 في 40 .. وبنفرشها بورق الزبده ..وبنزل الخليط وبنفردو بالصنيه ..وبندخلها الفرن حامي على 180 درجة
بتاخد 10 دقائق بالزبط .. بنطلعها وبنقلبها على ورق زبده ..بنستنى تبرد .. وبنقطعها بالطول .3 قطع.بنحاول يكون لقياس واحد .بنشرب كل قطعه .وبنحشيها كريمه وبنحط كل قطعه فوق تانيه ..بندخلها تلاجه حتى تجمد وبنزينها بكريمة زبده والف صحه وهنا

كريمة الزبدة
6 بياض البيض..180غ ...بنحطهم بصحن غميق ..وبنحطهم بحمام مائي سخن (اهمى شي المي ماتلمس الصحن) بنحط عليهم كاس ونص سكر تقريبا 300غ ... بنذوب السكر منيح مع بياض البيض فوق حمام المائي .. ولازم تتاكدو انو السكر ذاب .. اهم خطوه .. بنحط سويت مارنخ(البياض البيض) بصحن غميق وبنخفق كتير منيح حتى يصير البياض متل الكريمه ..بنزل عليه 2 كاس سكر بودره ..وبنخفق ..وبنزل زبده بحرارة الغرفه 2 كوب زبده ..454غ ...وبنستمر بالخفق ..وثلاث ارباع دهن نباتي 170غ ..وبنخفق كتير منيح .. ممكن تزينو فيها الكيك وتكون غلاف للكيكه .. والف صحه وهنا