ششبرك باللبن shayashbruk With milk

ششبرك باللبن shayashbruk With milk

ششبرك باللبن shayashbruk With milk
الوصفة من مطبخ الشيف المبدعة ymiii2  تسلم الايادي الطيبة

الطريقه ...
3 كاسات طحين ... معلقه صغيره ملح ..معلقة كبيره سمنه نباتي ...بنعجنهم بمي دافيه تقريبا اخدو كاس مي ..ممكن اقل ممكن اكتر حسب الطحين الي عندك ... بنريح العجين ربع ساعه او نص ساعه ..
اللحمه .. بنقلي بصل بالسمنه او الزبده .. بنحط ملح ..فلفل اسود ..بهار مشكل ..وبنزل اللحمه وقت تستوي اللحمه بنطفي الغاز ولازم تنشف ميتها .. بنمد العجينه بالشوبك ..بنحاول نرق العجين منيح ..بنقطعها دوائر بقطاعه ..وبنحشي كل قطعه بلحمه وبنسكرها على شكل هلال وبنرص الاطراف على بعض ... بندخلهم الفرن تنشيف بنشف العجين مابنخلي يتحمر او ممكن تسقطو على طول باللبن ... ٢ كيلو لبن بنكسرو بكاسة حليب سائل ..بنحط عليه معلقتين نشا كبار بنحركهم على البارد بالشبك وبنشغل الغاز . بنحرك فيو حتى يغلى وبنسقط الششبرك باللبن .. بنوطي الغاز حتى يستو تقريبا بياخدو ٢٥ دقيقه ..اثناء الاستواء بنقلي تومه مع سمنه وبنحطه على اللبن .وممكن تقلي كزبره مع توم ..
وقت تقديم .. بنصب الششبرك بنزينه بالكزبره .. وعلى جنب بنقلي لوز بالسمنه وبنفس السمنه تقلو الكزبره (طبعا اختياري) وبنزين الوجه . والف صحه 🌹🌹🌹🌹🌹