قطايف عصافيري بحشوة القشطه Qatayef Asafiri stuffed cream

قطايف عصافيري بحشوة القشطه Qatayef Asafiri stuffed cream

قطايف عصافيري بحشوة القشطه Qatayef Asafiri stuffed cream
الوصفة من مطبخ الشيف المبدعة ymiii2  تسلم الايادي الطيبة

الطريقه.... القشطه ..
بطنجره على الغاز بنحط لترين حليب سائل مع لتر كريمه ..لمى يقرب الحليب يغلى بنحط نص كاس خل ابيض او عصير ليمون ..بفقس الحليب بتطلع القشطه ...لفوق وبنخلي يغلى خمس دقائق حتى يصير الحليب متل المصل ..بنصفيه بمصفايه ناعمه ..وبنخليه يتصفى من المي ..
هلا بطنجره تانيه بنحط كاس حليب ..معلقتين سميد كبار..معلقتين نشا كبار ...٥٠ غ زبده لورباك ..وبنحركهم حتى يغلو ... وبنقيم طنجره ..وبنتركها تبرد عشر دقائق .. وبعديها بنخلط القشطه الي طلعناها من الحليب ..وبنحط ربع كاس قطر ..مع معلقه كبيره ماء زهر وبنقلبهم منيح ..بتحتفظو فيها في وعاء مغلق بالتلاجه لمدة اسبوع . والف صحه وهنا⁦❤️

الطريقه ..
2 كاس طحين
نص كاسة سميد
3 كاسات مي
ملعقة صغيره بيكنغ باودر
نص معلقة صغيرة بايكربونات صوديوم
معلقتين كبار حليب بودره ...
معلقة خميرة صغيرة
2 ملعقة كبيرة سكر
وبالخلاط ،،بنتركهم يرتاحو خمس دقائق وبنشتغل فيهم...
طريقة صب القطايف ..بنصب على صاج او قلايو تيفال سميكه... بنسخن القلايه على نار وسط ولمى نشوفها سخنت بنبلش نصب .. الصب دائما على نار وسط حتى تستوي وماتعجن من جوا وماتنشف معك ... بعد الصب بنحط كل قطعه على قطعة قماش نظيفه حتى يضلو طرايه