صفيحه شاميه Meat with dough

صفيحه شاميه Meat with dough

صفيحه شاميه Meat with dough
الوصفة من مطبخ الشيف المبدعة ymiii2  تسلم الايادي الطيبة

الطريقه .. العجينه عجينة العشر دقائق ... بصحن غميق بنحط كاستين مي ..معلقتين كبار خميره ..معلقتين كبار سكر ..كاستين طحين ..بنحركهم مع بعض منيح وبنتركهم عشر دقائق حتى تخمر العجينه وبنحط فوقيهم تلات كاسات طحين ..نص كاس زيت ..تلات ملاعق كبار حليب بودره ورشة ملح وبنعجنهم منيح وبنتركها ترتاح ساعه ... مقادير لنص كيلو لحمة عجل مفروم .. 4 حبات بندورة بنشيل لب منها ..بنحطها بفرامة اللحمه مع اللحمه ...حبتين فليفله خضراء ..نص كاس بقدونس مفروم ناعم..ملح ..فلفل ..دبس رمان معلقه كبيره ..مربى بندورة 3 ملاعق كبيره..دبس فليفله معلقه صغيره ..حبة بصل ..بنفرمهم منيح ..وبنحطهم على جنب .. بنقطع العجينه كرات تقريبا بتعمل ٢٠ كره ...
بنتركها ترتاح شوي وبنرق كل كره وحاولو تكون رقيقه ..مدو اللحمه على العجين وبعديها على الصاج (الصاج بكون حامي ونار بتكون واطيه اقل من نص) .. وبنغطيها بغطاء طنجره .. ولمى تتحمر من تحت .. بنحطها بصحن وبنلفها بشكير حتى تطرا وهيك كل القطع بنرتبهم فوق بعض ولازم تلفوهم بشكير او قطعه قماش نظيفه حتى يطرو .. والف صحه وهنا