بيتزا شاورما دجاج طعم رووعه وعجينه بيتزا اروع هشه Chicken Shawarma Pizza

بيتزا شاورما دجاج طعم رووعه وعجينه بيتزا اروع هشه Chicken Shawarma Pizza

بيتزا شاورما دجاج طعم رووعه وعجينه بيتزا اروع هشه Chicken Shawarma Pizza
الوصفة من مطبخ الشيف المبدعة ymiii2  تسلم الايادي الطيبة

عجينة العشر دقائق ... بصحن غميق بنحط كاستين مي ..معلقتين كبار خميره ..معلقتين كبار سكر ..كاستين طحين ..بنحركهم مع بعض منيح وبنتركهم عشر دقائق حتى تخمر العجينه وبنحط فوقيهم تلات كاسات طحين ..نص كاس زيت ..تلات ملاعق كبار حليب بودره ورشة ملح وبنعجنهم منيح وبنتركها ترتاح ساعه

صلصة البيتزاء ...
بطنجره على الغاز ..بنحط زيت ..وبنقلي بصله مقطعه ريش .. سن توم .. زعتر بري او ارغانو .. ملح .. بابريكا حمر ... بنزل 4 حبات بندوره .. مع 3 ملاعق رب بندورة .. معلقتين كاتشب .. ومعلقه صغيره سكر .. بنقلبهم مع بعض .. ومع نص كاس مي ..بتتركهم يتسبكو شوي .. وبنحطهم بالخلاط وبنطحنهم منيح .. وبنرجعهم على الغاز 5 دقائق يتسبكو منيح .. والف صحه وهنا ⚘⚘⚘⚘⚘⚘ طريقة ..
بنحضر دجاج ... على طريقة شاورما .. بنقطع دجاج شرائح صغيره وبننقعهم بالخلطه ..معلقتين لبن ..معلقتين كاتشب ..ملح ..بابريكا حمرا ..بصل بودره وتوم بودره ..وبابريكا حمرا ..وبهارات شورما .. بنشوح معلقة توم مهروس مه زيت على الغاز وبنزل خلطة دجاج ..ولمى تقرب تستوي بمحط معلقه صغيره دبس رمان .. بنحمي الغاز على ٢٠٠ .. بندهن صنيه زيت وبنرش على صنيه سميد بودره ( بعطيها لون ذهبي وقرشه ناعمه ) بنفرد العجينه .. وبنخزقها بالشوكه ..وبنحط صلصة البيتزا .. بعدين جبنه وبعدين دجاج .. وممكن تحطو خضار وزيتون اسود ..وبنرش جبنه .. وبندخلها الفرن من تحت والف صحه وهنا