طريقة عمل كوكيز لذيذة Cookies are delicious

طريقة عمل كوكيز لذيذة Cookies are delicious

طريقة عمل كوكيز لذيذة Cookies are delicious
الوصفة من مطبخ الشيف المبدعة  njat80  تسلم الايادي الطيبة

اهم الملاحظات:

١- كل المكونات بحرارة المطبخ
٢- بعد خلط الكوكيز خلي العجينه بالثلاجه ترتاح نص ساعه
٣- الوقت غير محدد تقريبا بين ١٠ دقايق الى ١٢ دقيقه
٤- السكر الاسمر يعطي طراوه - السكر الابيض يعطي قرمشه 
٥- كل المكونات بالاكواب والملاعق المعياريه
٦ - استخدمي صينيه فاتحه وابتعدي عن صينيه الفرن السوده

بسم الله نبدي

بمضرب الخلط k ضيفي بالخلاط قالب ونص زبده طريه تعادل ١٥٠ غرام + نص كوب سكر ابيض + كوب سكر اسمر طري وليس حبيبات نخلط لين يصير الخليط فاتح ومهم تكشطين الاطراف

تالي ضيفي ٢ بيض حجم كبير او ٣ اذا البيض صغير + ملعقه صغيره فانيليا

تالي ضيفي كوب وثلاث ارباع طحين فاخر + رشة ملح + ملعقه صغيره بيكربونات الصودا تعادل ٥ مل 
تالي ضيفي كيس هيرشيز جوكلت جبس يعادل كوب وثلاث ارباع الى كوبين

لاتبالغين بالخلط

حطي الخلطه بالثلاجه او الفريزر نص ساعه يكفي 
شكليهم ساده او محشي 
اليوم حشيتهم كندر اخذت قطعه وفردتها شوي في باطن الايد وحطيت بالوسط قطعة كندر واخذت قطعه صغيره من عجينة الكوكيز مقاس قطعة الكيندر بس يدوب اغطيها بقطعه صغيره

بعد التشكيل حطيت الصينيه بالثلاجه لمدة نص ساعه ثانيه

شغلت الفرن من تحت والشبك بالوسط حرارة ١٧٠ - ١٦٠ بشوف العين شفتها بداية تحمير من تحت سكرت النار اللي تحت وبطلت من فوق دقيقتين 
بعد ماتشيلين الصينيه ابدا لاتحركين حبات الكوكيز حطي فوق كل حبه اي نوع ككاو تفضلينه

٥ دقايق الى ٧ دقايق تالي حطيهم بعلبه مسكره