داوود باشا(داووديات) Dawood Pasha

داوود باشا(داووديات) Dawood Pasha

داوود باشا(داووديات) Dawood Pasha
الوصفة من مطبخ الشيف المبدعة   nahedalabdala تسلم الايادي الطيبة

نص كيلو لحمة مفرومة بفرم معها بصلة صغيرة مفرومة ناعم ونص فنجان رز ني مطحون وبضيفلها ملح وبهارات وبكورها وبصحن غميق بضيف ثلاث ملاعق طحين وبغط كرات اللحم بالطحين وبقليها بملعقتين زيت لتتحمر 
وبقدر عالنار بشوح بصلة وثوم بنفس الزيت الي قليت في كور اللحمة ليذبلو وبضيفلهم خمس حبات بندورة مقشرين ومضروبين بالخلاط وبضيف ملح وفلفل احمر وملعقة صغيرة معجون طماطم وحبة فلفل حار
واذا شفتو المرقة سميكة ضيفي فنجان مي وبخليها لتتسبك وبضيف كور اللحمةعليها وعالنار شي ربع ساعة 
ممكن تضيفو بالمرقة جزر او بازيلا او بطاطا او فلفل احمر واخضر وفيكون تقللو من البندورة وتكون مرقتها اقل انا العيلة هيك بيحبوها
رز بشعيرية 
بنقع كوبين رز صنوايت بمي فاترة شي نص ساعة وبصفيه
وبقلي نص كوب شعيرية بملعقة زيت لتتشقر وبضيفلها الرز وبضيف ثلاث اكواب وربع ماء وربع كوب زيت وملح وبعلي النار ليبلش يغلي بهديها عالاخير وبقلبو مرتين خلال هالفترة بالشوكة وبخليه ليستوي