دجاج مدخن مع الماشروم والكريمة Smoked chicken with mushrooms and cream

دجاج مدخن مع الماشروم والكريمة Smoked chicken with mushrooms and cream

دجاج مدخن مع الماشروم والكريمة Smoked chicken with mushrooms and cream
الوصفة من مطبخ الشيف المبدعة   nouf_cook1982 تسلم الايادي الطيبة

راح نحتاج صدور دجاج نقطعها بالنص عشان تكون شرايح رقيقة ونتبلها بالآتي( عصير ليمونة،ربع كوب صويا صوص المعتدله،ربع كوب زيت زيتون،وربع كوب خل،ملعقتين خردل،ملعقة ثوم معجون،ملعقة صغيرة بصل بودرة،وملعقة صغيرة بابريكا)نتبلهم قبل بكم ساعة وأفضل لو كان قبل بليلة تاخذ النكهة..
.
الخطوة الثانية على النار راح نشوي صدور الدجاج مع شوي زيت ونحتفظ بباقي التتبيلة ((ولازم نشويه تمام لأن نكهة الشوي بتكون روعة مع الصوص بتعطيه نكهة مدخنة وهينا سر النكهة)) وبعد الشوي نقطعهم ونخليهم على جنب ،وبنفس المقلاة نضيف شرايح بصل وماشروم وملعقة صغيرة بودرة ثوم او ثوم معجون ونحمس تمام وبعدين نضيف باقي التتبيلة ونضيف صدور الدجاج المشويه ومقدار كوبين من كريمة الطبخ ونضبط الملح ونتركها على نار وسط تتسبك شويات وكل ماكان فيها صوص كل ماكانت ألذ يعني لاتخلونها تنشف كثير وونقدمها صحتين وعوافي