تشيز كيك الورد Chase Cake Roses

تشيز كيك الورد Chase Cake Roses

تشيز كيك الورد Chase Cake Roses
الوصفة من مطبخ الشيف المبدعة   nouf_cook1982 تسلم الايادي الطيبة

الخطوة الأولى راح نحتاج خليط كيك فانيلا الجاهز نسوي نصف المقدار بصينية تشيز كيك متحركة وبعد ماتستوي نشيلها من الصينية ونتركها تبرد على جنب،وبنفس الصينية راح نطبق التشيز لاحقاً🌸
.
.
الخطوة الثانية راح نسوي خليط تشيز كيك الورد عبارة عن (علبة حليب مكثف محلى ٣٧٩غرام،كوب كريمة خفق،علبتين جبن فيلادلفيا ٢٠٠جرام )نخلطهم بالخلاط اليدوي تمام لغاية مايصير الخليط كريمي ونضيف عليه (ظرف جيلاتين مذوب بفنجان ماي ساخن نخلط تمام ونضيف عليه خمس ملاعق ماي ورد وقطرات لون أحمر وننتبه واحنا نضيف اللون مانكثر قطرات لين نوصل للون الوردي الفاتح) نخلط تمام وبكيذا نكون خلصنا من خليط تشيز الورد🌸
.
.
نبدأ نطبق التشيز بصينية التشيز كيك كالتالي..
.
.
الطبقة الأولى(علبتين بسكويت شاي مطحون مع إصبع زبدة) نرصهم في قالب التشيز كيك..
الطبقة الثانية(نضيف نصف كمية التشيز وندخلها الفريزر نصف ساعة)ونطلعها ونضيف الطبقة الثالثة (الكيكة اللي سويناها وتقدرين تشيلين الجزء المنتفخ منها عشان يكون شكلها مرتب) الطبقة الأخيرة (الكمية المتبقية من خليط التشيز) وندخلها الفريزر ربع ساعة تجمد وننزلها الثلاجة نتركها تبرد أقل شي أربع ساعات ويفضل نسويها قبل بليلة ..
.
عند التقديم نطلعها من صينية التشيز كيك ونزينها بغزل البنات بنكهة ماي الورد (أخذته من الدانوب)ونرش علية رشة فستق وورد محمدي وونقدمه صحتين وعوافي وتلذذوا بأفخم وألذ تشيز كيك بنكهة الورد