شوربة البروكلي Broccoli Soup

شوربة البروكلي Broccoli Soup

شوربة البروكلي Broccoli Soup
الوصفة من مطبخ الشيف المبدعة   nouf_cook1982 تسلم الايادي الطيبة

زيت زيتون وملعقه كبيره زبده نحط عليهم بصل مفروم نحطه عالنار مع ملعقه ثوم مهروس ونحركه لحد مايذوب ويتجانس بعدين نحط عليه ملعقتين طحين ونحركه بقوه لما يقلب ذهبي بعدها نحط عليه كاسين حليب بارد ونحركها لحد مايتداخل نحط عليه ملح وكمون وفلفل اسود ونخليه يغلي شوي في هالاثناء نكون سالقين البروكلي بمويه وماجي ونخليهم يبردون ونضربهم بالخلاط طبعا ناخذ من مويه السلق مقدار كاس كبير عشان نحتفظ بطعم الماجي ونصبهم عالخليط السابق ونحركهم ونذوق ونضبط الملح وبس تبدا تغلي نضيف بيالتين كريمه خفق ونحركهم وبعدين شويه جبن شيدر مبشور وشويه موزريلا ونحرك شوي لحد مايذوبون ونقفل النار عشان تعطينا قوام ثقيل ويتمطط ووصحتين وعوافي 😋