كيكة شكولاته بحشوة الموس Chocolate cake stuffed with mousse

كيكة شكولاته بحشوة الموس Chocolate cake stuffed with mousse

كيكة شكولاته بحشوة الموس Chocolate cake stuffed with mousse
الوصفة من مطبخ الشيف المبدعة ymiii2  تسلم الايادي الطيبة

الطريقه ... بصحن غميق ..بنحط 4 بيضات كبار .مع معلقه صغيره فانيلا .. وبنخفق منيح ....نص كاس زيت .. وبنخفق ..كاس حليب سائل ..ونص كاس لبن زبادي .. كاس ونص مي دافيه
على جنب بنخل 3 كاسات طحين ..كاس ونص كاكاو بودره ..3 ملاعق صغار بيكنغ باودر ..معلقتين صغار كربونه .. نص معلقه صغيره ملح .. وبنضيف كاستين ونص سكر .. بنخلط نواشف مع بعض وبنحط الخليط السائل فوق نواشف وبنخفق منيح ... وبنصبو بقالب وبنخبزو على 180 درجة الحراره الرف الوسط .حتى تستوي معكم ..اختبرو الاستواء. وممكن تعملو بقالب حجم كبير ..
ملاحظه ..ماتعملو نص الكميه ..او تقليلي من المكونات حتى تنجح معك بطبقي الوصفه كامله.. وصحتين

الموس ... بصحن غميق ..بنحط 450 غ شكولاته ... مع 300 مل كريمه سائله ..بنذوبهم بالمكرويف ..وبنضل نطلع ونفوت فيهم حتى تذوب شكولاته تماما ...على جنب .. بنحط 10غ جلاتين باودر وبنذوبهم ب 60 مل مي بارده .. تقريبا اربع ملاعق كبار مي ..لمى نشوف الجلاتين جمد ..بندخلو المكرويف 30 تانيه .. وبنحطو فوق الكريمه والشكولاته ..مع معلقتين كبار كاكاو ..وبنحركهم منيح وبنتركو يبرد بحرارة الغرفه ..على جنب بنخفق 500 مل كريمه سائله .. وبنزل الكريمه على خليط الشكولاته شوي شوب مع تقليب بالمعلقه .. وبندخلو لفريزر ساعه حتى يبرد منيح وبنطلعو وبنحركو وبنرجع ندخلو كمان ساعه حتى ناخد القوام الي بدنا ايا .. وبنحشي الكيكه فيو ...

 جناش الشكولاته ... بصحن غميق بنحط١٠٠مل كريمه سائله تقريبا نص كاس .. وبنحط عليها ١٠٠ غ شكولاته ... معلقه صغيره زبده ... بنسخن لكريمه وبنزل الشكولاته والزبده وبنخفقهم كتير منيح حتى نتاكد ماضل تكتلات ..(سخنت الكريمه بالمكرويف اخدت مني 40 ثانيه)