بسبب تدوينة ساخرة نائب الكرامة "نضال سعودي" يرد بقوة على سمير الوافي

كتب النائب نضال السعودي - نرجعو لموضوع #صناعة_الغباء كان جينا شعب واعي واعلامنا حرفي واستقصائي أول حاجة يعملوها يطلبو من السيد النائب يستظهر برقم القضية أو نسخة من الشكاية التي رفعها بتاريخ قديم يسبق تاريخ تسجيل الحلقة ان كانت موجودة اصلا، خاطر ما صرح به النائب أمر خطير وموش متاع #تنبير اذا فعلا فمة جهة عطاتو "شكارة فلوس دوفيز" وما مشاش رفع قضية يتسمى تستر عن جريمة وهذا هو عين الفساد "القلم" ليخدم عليه السيد النائب واذا ما فماش منها الحكاية جملة وقتها النيابة العمومية يلزمها تتحرك خاطر هذا يعتبر إيهام بجريمة ...
للاسف هذا الكل ما صارش شنوة لصار في المقابل؟ مجموعة من النبارة حالة فامها للريح وتضحك وهوما والله لاهم فاهمين شيء وهكذا يصنع #الغباء_خلسة .
بالنسبة للمهبط الصورة ويتندر لا يستحق اصلا الحديث عنه المستوى يبعد على بعضو سنوات ضوئية فرق بين من نشأ في المدارس والمؤسسات التربوية وبين بين ترعرع في الأماكن اللاتربوية دون تفصيل احتراما للمتابعين. #العين_ما_تعلى_عالحاجب