كتب سمير الوافي - تعمل صفحة فايسبوك...وتولي ذبابة ملونة ومأجورة...وتخدّم معاك جيش من الذباب كل مرة تنشهم على حد...حسب التعليمات اللي تجيك من غرفة العمليات...هتك أعراض وتشويه وشيطنة وإشاعات وفوتوشوب حسب الطلب والمستهدف...!!!
نعمل شوية تحريات سرية و نطلعك شكون وشكون اللي معاك ووراك...نقدم بيك قضية بدون علمك...يتم التحقيق معاك وتلقى روحك متورط واللي معاك و وراك متورطين...ويوصل بيك التذلل والتوسل لدرجة تبعثلي أمك تقعد تستنى فيا قدام القناة باش نسامحك ونتنازل على القضية...وشجاعتك الإلكترونية تتحول إلى ذل وتذلل وجبن في الواقع...!!!
سامحت برشة ناس...واللي ما سامحتهمش تحكمو بالسجن...وبعضهم على مجرد تعليق علني موش مجرد ميساج ما يشوفو حد...وما عادش باش نسامح بالكل...الجرائم الالكترونية يعاقب عليها القانون بقسوة...وكل إعتداء لفظي علني هو جريمة...!!
0 تعليقات