مرقوق بالدجاج لذيذة

مرقوق بالدجاج  لذيذة 

مرقوق بالدجاج  لذيذة 

الوصفة من مطبخ الشيف المبدعة lamar9999تسلم الايادي الطيبة

المقادير 💕
اربع بصلات مقطعه كل بصله اربع قطع
ملعقتين زيت
ثلاث فصوص ثوم مهروس
دجاج منزوع الجلد مقطع ارباع مغسول بملح وخل ومنقوع في ثوم
بهار عثماني /بهار الدجاج (من بوكس لمار )
فلفل اسود /كمون /ملح
طماطم معصور
قرع /باذنجان🍆 /جزر 🥕/فلفل اخضر
كوسه /كزبره مقطعه صغار 🍃
الخضار نقطعها قطع كبار
ثلاث كاسات دقيق اعجنها بمويه وملح
الطريقه 👏🏻
احمس البصل في الزيت اذا تحمر اظيف الثوم واقلب ثم اظيف الدجاج المقطع واقلبه حتى تنشف مويته ثم اظيف البهارات العثماني والكمون والفلفل الاسود والملح وبهار الدجاج من بوكس لمار اقلبهم مع بعض ثم اظيف عصير الطماطم واغطي عليه يتسبك شويه ثم اظيف المويه واغطي عليه حتى يستوي الدجاج ثم اظيف الخضار الباذنجان والكوسه والجزر والفلفل الاخضر
اخذ العجينه واكورها كور متساويه وافردها فرد رقيق مره واحطها في القدر (النار تكون عليه عشان تستوي واحط اللي بعدها ماتلصق فيها )
كل ماحطيت وحده اذا استوت اقطعها بالملعقه ثم احط اللي بعدها وهكذا افرد واحط حتى تخلص الكميه واتركها عشر دقايق الى خمسة عشر دقيقه تستوي مع بعض ثم اطفي النار واقدمه وارش عليه كزبره طبق يدفي في هذي الايام الشتويه صحه وهنا 😍