قدرة قادر qudrat qadir

قدرة قادر qudrat qadir

قدرة قادر qudrat qadir
الوصفة من مطبخ الشيف المبدعة nadinrazouk تسلم الايادي الطيبة

اول شي نص كوب سكر منحطو بمقلايه ع نار بدون شي ليدوب ويتكرمل ومنصبو بالقالب وبالمعلقه مندهن الطراف ومنتركو ع جنب عادي تصيرو تسمعو صوت سكر بس يجمد عم يطقطق ماترتعبو
الكريم كرميل
3 بيضات
2 كوب حليب سائل او بودرة منحلو بمي لكل كاسه 3 معالق حليب انا استخدمت بودرة
كوب سكر
معلقه كبيرة فانيلا سائله او بودرة
ربع كوب حليب بودرة
منخلط المكونات منيح ليدوب سكر ع خلاط او خفاقه كهربا وبمصفايه منزل الخليط بالقالب
منجهز الكيك
2 بيضه
معلقه كبيرة فانيلا
نصف كوب سكر
نصف كوب زيت
نصف كوب حليب سائل
كوب وربع طحين منخول مرتين
ربع كوب كاكاو
2 ملعقه صغيرة بيكنغ باودر
ربع ملعقه صغيرة بيكربونات الصوديوم
منخفقون سوا ومنحطو بالقالب مو بمكان واحد بشكل دائرة منصب الخليط
بصينيه اكبر من قالب منحط مي مغليه ومنحط القالب بقلب الصينيه بحيث المي تكون غامرة ربع القالب ومنفوتها ع فرن محمى مسبقا ع درجه حرارة 180 من تحت بس ع رف وسط لمده 50 دقيقه
منطلعو من الفرن ع براد ع الاقل 4 ساعات ويفضل ليله كامله قبل ما نقلبو منحط صينيه فيها مي سخنه منحط القالب ثواني ومنشيلو بعدا منقلبو
والف صحه