كيك اسفنجي Squishy Cake

كيك اسفنجي Squishy Cake

كيك اسفنجي Squishy Cake
الوصفة من مطبخ الشيف المبدعة fto4479 تسلم الايادي الطيبة

المقادير:
٢ كوب طحين الكيك ( كل كوب خوذي منه ٢ م ك طحين وحطي بداله ٢ م ك نشا )
ربع كوب كاكاو بودره (بالنسبه لي ما توفر حطيت بداله طحين)
ثلاث ارباع الكوب سكر مطحون
٢ م ص باكينج بودر
ربع م ص بيكربونات الصوديوم
نص م ص ملح
انخلي هالمقادير كلهم سوى ثلاث مرات وخليهم على جنب
بالخفاقهه الكهربائيه :
٦ بياض بيض كبيرات اخفقيهم لما يطلعن فقاعات بعدين اضيفي له
نص م ص خل ابيض
واخفقيهم شوي بعدين بالتدريج اضيفي على اربع دفعات ثلاث ارباع الكوب سكر ناعم واخفقيهم لما يصير الخليط متماسك وابيض واذ شلتي الخفاقه يصير كانه منقار عصفور واقف👏🏼
بعلبه حطي :
٦ صفار بيض
نص كوب زيت
ثلاث ارباع الكوب قهوه سايله عباره عن( ماء و م ك نسكافيه )
م ك فانيلا (يفضل سايله عشان اقوى بالمفعول)
اخلطيهم بالخفاق اليدوي لما يندمجون سوى واضيفي بالتدريج خليط الطحين على دفعات لما يخلص الطحين
بعدين اضيفي ٢ م ك من خليط بياض البيض واخفقيه بشويش وبراحه *شوفي طريقة الخلط بالفديو فوق* عشان ما يطلع الهواء وتهبط وكملي الخليط لما يخلط بياض البيض
بالنسبه لي حطيته بصنيه ربل التشيز بدون لا تدهنينه بزيت وهذا ميزتهه وصبي الخليط ومرِرِي سكينه على الخليط واضربي الصنيه بشويش بالارض عشان يطلع الهواء الزايد ودخليه بالفرن مشغل من قبل على تحت بس درجه حراره ١٢٠ لمده نص ساعه بالضبط
ومن فوق تقريًبا خمس دقايق
اغرسي عود اسنان او سكينه عشان تتاكدين من الاستواء
خليها تبرد