بيتزا لذيذه Delicious pizza

بيتزا لذيذه Delicious pizza

بيتزا لذيذه Delicious pizza
الوصفة من مطبخ الشيف المبدعة fto4479 تسلم الايادي الطيبة

العجينة :
٣ اكواب طحين ابيض
م ك وشوي خميرة
م ك وشوي باكينج بودر
رشه ملح
٣ م ك سكر
علبة زبادي
ربع كوب زيت
تقريبًا كوب حليب دافي سخنيه شوي *او ممكن كوب ماء ذوبي فيه م ك حليب بودره *
اعجنيه لمده ١٠ دقايق بالعجانه او اليد
وخليها تتخمر ٤٥ دقيقه او ساعه كامله
الصوص عباره عن :
شرايح بصله متوسطه الحجم شوحيها مع زيت زيتون لما يذبل
اضيفي له م ك صلصة طماط واحمسيها شوي عشان تطلع نكهتها صح
وبهارات وكركم وملح وفلفل اسود وفلفل احمر مطحون
اضيفي عليه طماطه وحده كبيره قطعيها بشكل عشوائي عادي لان بالاخير نبي نفرمهم سوى
و٤فلفل احمر طازج تحبينه حار او بارد اضيفي اللي تحبين قطعيه دوائر
واحمسيهم واضيفي نص كوب ماء وخليه ١٠ دقايق تتسبك
بعدين طفي النار واذ بردت افرميها ناعم👌🏼
رقي العجينة وحطيه بصنية مدوره مدهونه بزيت
ادهني عليها الصوص اللي سويناه
اعصري كاتشب بشكل دائري ورشه فلفل احمر 👌🏼وحركيهم بشويش بالملعقه عشان يندمجوون مع الصلصة اللي سويناه
اضيفي فلفل اخضر بارد شرايح
ممكن بصل شرايح خفيفه مره *اختياري*
وزيتون اسود شرايح *اختياري*
وبعده وزعي على الوجه جبنة شيدر مبشوره
واخر شي حطي جبن سايل بكيس وقصيها من تحت واعصري على وجه البيتزا
وخطوط من الشطة الحاره ايضاً على الوجه*اختياري*
بعده بالفرن من تحت ومن فوق
تقريبًا خذت مني ربع ساعه
قطعيها وبالعافية💜
*ممكن تزود عندكم العجينة ترونها قطنه ماشاء الله استعمليها سوي منها خلية او فطاير جبن او اللي تحبين 👌🏼*