كبه لحم Kubba meat

كبه لحم Kubba meat

كبه لحم Kubba meat
الوصفة من مطبخ الشيف المبدعة ymiii2  تسلم الايادي الطيبة


كيلو برغل ناعم .. بنغسلو بمي بارده .. وبنصفي من المي ..وبنترك ربع ساعه ...حتى تنشف ميته ... بنطحنو على ماكنة الكبه ... اذا احتاج مي بنرش مي شوي ولازم تكون بارده .بصله ..ملح ..فلفل اسود .. رشة كمون ..قشرة ليمون ..وبنطحنها مع الكبه اول دور .. تاني دور بنطحن البرغل مع لحمه استخدمت لحمة عجل قريب نص كيلو .. انا طحنتها 3 مرات .. ممكن تطحنو البرغل لحال .. وتعجنو مع اللحمه بس الافضل كلو عن طريق الماكنه .
الحشوه ... كيلو برغل بيحتاج كيلو لحمه مفرومه .. بنفرم 3 حبات بصل ناعم .. وبنحطهم بالطنجره وبنزل اللحمه المفرومه .. ملح ..فلفل اسود قرفه بهار مشكل .. دبس رمان (وجوز عين الجمل اختياري) ... لمى تتنشف ميتها .. بنشيلها عن نار .. بنحضر مكسرات ..لوز او صنوبر ... القلي .بزيت غزير حامي في البدايه وبعدين بنوطي الغاز ... الصحن الاول فيو مي بارده ..والصحن تاني مي ونشا للتشكيل ...