خبز شوايه بعجينه هشه قطنيه وبحشوة دجاج Grilled bread stuffed with chicken

خبز شوايه بعجينه هشه قطنيه وبحشوة دجاج Grilled bread stuffed with chicken

خبز شوايه بعجينه هشه قطنيه وبحشوة دجاج Grilled bread stuffed with chicken
الوصفة من مطبخ الشيف المبدعة ymiii2  تسلم الايادي الطيبة

العجينه عجينة العشر دقائق ... بصحن غميق بنحط كاستين مي ..معلقتين كبار خميره ..معلقتين كبار سكر ..كاستين طحين ..بنحركهم مع بعض منيح وبنتركهم عشر دقائق حتى تخمر العجينه وبنحط فوقيهم تلات كاسات طحين ..نص كاس زيت ..تلات ملاعق كبار حليب بودره ورشة ملح وبنعجنهم منيح وبنتركها ترتاح ساعه ...
بنقطعها كرات صغيره وبنغطيهم بمنشفه .. عشر دقائق .. بنسخن شوايه وبنحط كرات العجينه على شوايه وبنسكرها .. حراره خلوها وسط .. وبتلفو الخبز الي بطلع بمنشفه وتبلشو تحشو فيها

خلطة دجاج ... بنجيب صدور دجاج ..بنغسلها منيح وبنقطعها ..بطنجره على الغاز بنحط زيت ذرة وبنسقط دجاج .. وبنقلبهم بالزيت ..وبنحط ملح وفلفل وبابريكا حمرا وبهارات دجاج .ولمى يستوي بنطفي الغاز وبنحط دجاج على جنب .. هلا بصحن غميق ..بنحط خس مفروم ... 4 حبات مخلل خيار مبروش ...حبتين جزر مبروش ...علبة ذرة ... بنحضر صوص ... هو نص كاس لبن . نص كاس مايونيز ..معلقتين كبار خردل .. ملح وفلفل ... بنحط دجاج فوق الخضار وبنحط الصوص فوقيهم وبنخلطهم كلهم مع بعض