مندي دجاج Chicken Mandi

مندي دجاج Chicken Mandi

مندي دجاج Chicken Mandi
الوصفة من مطبخ الشيف المبدعة ymiii2  تسلم الايادي الطيبة

بطنجره على الغاز بنقطع البصل ناعم وبنحط ملح .. لومي .. قرفه عيدان ..بهار حب ..قرنفل .. ورق غار .. لمى يقرب البصل يتذبل بنزل دجاج وبنقلبو بتتبيله .. وبنحط مي سخنه .. بنص طبخ دجاج بنقطع بندوره اربع اقسام وبنزلها .. ولمى يستوي دجاج بنطلعو من المي وبنحطو بصنية الشوي وبندهنه بتتبيله ( ملح .. معلقتين ليمون ..تلات ملاعق مرق دجاج .. بهارات مندي او بهارات كبسه او كاري .. كركم او صفار زعفران ) وبندخل دجاج الفرن ...
بنزل الارز بمرقة دجاج بعد مانغسله تقريبا استخدمت تلات كاسات رز بسمتي وبنزيد المي حسب حاجة الارز ..لمى تنشف ميته ..بنذوب ربع معلقه صغيره صفار زعفران بمعلقتين مي سخنه .. وبنحطه فوق الارز .. وبنطفي الغاز .. بنجيب فحمه مولعه وبنحطها بصحن وبنحط الصحن فوق الارز وبنحط على الفحم معلقة سمنه سائله وبنسكر طنجره وممكن نعمل هيك يدجاج كمان والف صحه وهنا