طريقة تحضير كفتة لحم بالمشروم Meat kofta with mushrooms

طريقة تحضير كفتة لحم بالمشروم Meat kofta with mushrooms

طريقة تحضير كفتة لحم بالمشروم Meat kofta with mushrooms
الوصفة من مطبخ الشيف المبدعة  njat80 تسلم الايادي الطيبة

١- طريقة الكفته
نص كيلو لحم عجل مفروم نخلط معاه ( خلط يدوي مثل العجن يعني تخلطين عدل )
بصله مفرومه+ ٥ حبات مشروم فرش مفروم + اي نوع بهار تحبينه ( ملح وكزبر بودر ومعجون الكاري من ام اف ( صورته بالاستوري ) مقدار ملعقه كبيره من المعجون ) نعجن بالايد تالي نشكلهم اقراص حسب الحجم اللي تحبينه 
تالي اقليهم بشوية زيت غزير ( ويترك على جنب ) * صلصة الكفته
اول نسوي الحمسه عالنار تالي نحط الخلطه كلها بالبايركس وبالفرن من تحت

نحمس بصله كبيره مفرومه + ملعقه صغيره معجون الكاري + جزر مفروم او مبشور + معجون طماط شويه+ طماط مضروب بالخلاط 
وحطي ملح وكزبر بودر -تالي حطي كوبين ماي ونطري الخلطه تغلي ٥ دقايق فقط

تالي صبي هالصلصه بالبايركس ووزعي الكفته 
وممكن توزعين بطاط - وعالويه حطي باميا غطي البايركس ويدخل فرن حار حرارة ٢٠٠ من تحت بس نص ساعه الى ٤٠ دقيقه