فطاير المسخن Heated pies

فطاير المسخن Heated pies

فطاير المسخن Heated pies
الوصفة من مطبخ الشيف المبدعة   nada_aljarallah تسلم الايادي الطيبة

مقادير الحشوة :
.
.
1 دجاجه مخليه من العظم والجلد ومقطعه الى قطع صغيرة
2راس بصل مفروم
3 فصوص ثوم مهروس
ربع كوب زيت زيتون
ربع كوب عصير ليمون
رشة بهارات فلفل اسود وكاري
2 ملعقه كبيرة سماق
2 ملعقه كبيرة صنوبر محمر
ملح حسب الحاجه .

مقادير العجينه :.
.
3 اكواب طحين
2 ملعقه كبيرة حليب بودر
2 ملعقه كبيرة سكر
1 ونص ملعقه صغيرة خميرة
1 ملعقه صغيرة ملح
نص كوب زيت
1 ونص كوب ماء .
.
مقادير الصوص :.
.
3 ملاعق لبنه
ربع كوب لبن المراعي
1 ملعقه صغيرة دبس الرمان
نص ملعقه صغيرة ماسترد
1 فص ثوم
ملعقه كبيره عصير ليمون
رشة ملح .
.
للتزيين :.
بصل مقلي + سماق .
.
لدهن العجينه : صفار بيض مع نقطة خل .
.
الطريقة : .اول شي نخلط مقادير العجينه مع بعض بالعجانه ونحاول نضيف الماي بالتدريج ممكن نزيد او نقلل كمية الماي ونحاول نخلي العجينه طرية علشان تكون هشة ونترك العجينه لغاية ما يتضاعف حجمها .
.

نحمس الدجاج مع زيت زيتون لغاية ما يتغير لونه بعدين نضيف عليه الثوم والبصل ونحمس لغاية ما يذبل البصل ويشقر اللون نضيف البهارات والملح والليمون واخر شي نسكر النار ونضيف السماق والصنوبر ونترك الحشوة تبرد .
.
نكور العجينه الى كور صغيرة ونحشي كل كوره بكمية من حشوة الدجاج ونحاول نسكرها مثل الكوره ونصفها في صينية الفرن لغاية ما تنتهي كل الكمية نحاول نترك فراغ بالنص علشان نحط الصوص ندهن وجه العجينه بصفار البيض مع الخل وندخل الصينه الى فرن حار لغاية ما تتحمر من فوق وتحت ما نبالغ بالتحمير علشان تظل العجينه هشة .
.
نخلط مقادير الصوص مع بعض ونحطه بالنص في طبق التقديم ونزين الفطاير بالبصل المقلي والسماق .. وبالعافية