فتة التوست بالدجاج المطورة Chicken toast

فتة التوست بالدجاج المطورة Chicken toast 

فتة التوست بالدجاج المطورة Chicken toast 
الوصفة من مطبخ الشيف المبدعة   nouf_cook1982 تسلم الايادي الطيبة

أول شي ✨راح نحتاج مكعبات باذنجان مقليه بالزيت او القلاية 
براحتكم نقليها ونخليها ع جنب.. .
✨وراح نحتاج مربعات خبز مقلي ونخليه ع جنب..
.
✨وبنحتاج حشوة دجاج(عبارة عن صدر دجاج مسلوق ومفتت وعلى النار زيت وشرايح بصل وماجي ونضيف الدجاج والبهارات ملح وفلفل وكركم وكزبرة وكمون وبهار مشكل وثوم مهروس ونحركها لين تستوي ويتمازج الطعم) ونطفي عليها النار..
.
الخطوة اللي بعدها راح نسوي الصوص الأبيض عبارة عن(علبتين زبادي وعصير ليمونه ملعقة مايونيز وثلاث ملاعق لبنة وفص ثوم مهروس ونحرك الصوص تمام)..
.
.
الحين نجي للخطوة الأخيرة المطورة :راح ناخذ شريحة توست ونشيل الأطراف ونفردها تمام ونمسح مسحة من الصوص عليها ونضيف الحشوة ونلفها أصابع ونقطعها من النص ونبدأ نرتبها بصينية التقديم ع طول حطيت لكم الصور فوق👆🏻ونغطيها بباقي الصوص ونضيف الباذنجان ونضيف الخبز ونحاول نكسره واحنا نوزعه زي الصورة وآخر شي نزين بالبقدونس والصنوبر وتتقدم وبشكلها المطور ولا أجمل وصحتين وعووافي 😋
.
💡ملاحظة:اللي حابة تسويها بالطريقة الأصلية بشكل صينية راح تسوي الخطوات التالية:نصف التوست بصينية التقديم ونرصها بيدنا تمام ونضيف عليها مقدار الربع من الصوص وبعدين حشوة الدجاج وبعدها نغطيها بالصوص الباقي ونرش عليها الباذنجان والخبز ورشة البقدونس والصنوبر وتتقدم 
ع طول لفوا وشوفوها بالصور فوق👆🏻وطبعاً ماتحتاج فرن نهائياً..